ليه الوداع ؟!

ليه مصره عـ الوداع

وازاى تكونى انتى اللى باع

أنا كنت ميت قابلك انتى

كنت عايش فى الضياع

كنت أنام زى اللى ناموا

كنت باصحى عشان ضرورى

واللى باقى منى ضاع

**

وقابلتك انتى كأنى عارفك من سنين

كنت اعاند فيكى دايما

كنت بانسى انى حزين

لما كنتى تغيبى لحظه

كنت بحسبهم سنين

كنت لما تيجى سيرتك

القانى سارح فى الحنين

**

وحكيتلك انتى عـ اللى بيا

عـ الجراح الصاحيه فيا

وقالى قلبى هيا ديا

لقيتنى بسأل هيا مين ؟!

***
كنت بحكى الاقيكى عارفه

نفس الحكايه حكايتك انتى

قصة دايره من سنين

شوق وحب

عذاب وغيره

والوداع هو الوداع

كان نهاية القصتين

**

بعد الوداع أانا قولت توبة أحب تانى

قولت هي حكاية واحده وموتت فيا الاغانى

وقابلتك انتى اتجدد فيا الامانى

لما انتى ناويه ترحلى ....تحيينى ليه

وترجعينى اعيش زمانى

**

طب وليه تسيبينى تانى

أعيش لواحدى فى دنيا جاحده

ليه تجرحى قلبى اللى حبك

وتهجرينى اعيش فى وحده

ليه كل مره أكون ضحيه

تكون نهاية القصه واحده

**

طب م النهارده

راح اكون شيطان

راح اخلى كل الدنيا ديا تجينى ساجده

راح احب بعدك الف  واحده

اه صدقى

راح احب بعدك كل واحده هاتقبلنى

ولما تنسى كل حاجه وتيجى ليا

راح اقولها كان نفسى اكمل

بس القدر اختار تكونى انتى الضحية

راح اكون شيطان بالف وش والف نيه

راح اقولها

تهجر صحابها واهلها

ولما تيجى وتقابلنى هاقولها تبقى تقابلنى

ميت الف واحده هاحبها وهاذلها

اه صدقى

راح انتقم منك ومنى

بس النهاية ياعمرى واحده

لما افتكر ليله فى قربك

هارجو القدر انه يبادلنى

**

طب هاعمل ايه

وهاقولك ايه

طب مين فى بعدك تانى هاحكيلها حكايتى

طب مين ياغاليه هالقى فيها بدايتى ونهايتى

وازى هاعيش من غيرك انتى وانتى غايتى

**

هاتقولى برده انه القدر

ازاى فى يوم تخلى سمايا من القمر

لما انتى ناوية ع السفر

ليه خلتينى احبك انتى

اختارك انتى من البشر

طب كنتى ليه بتعشمينى بليل طويل سهد وسهر

وازاى ياغاليه يحلالى ليلى بدون سمر

**

أنا بس باعتب ع القدر

لما أنا مش ليا فيكى

طب ليه زمانى قابلنى بيكى

وليه الاقى روحى فيكى

ما كنت ميت م الاساس

طب ليه تجينى واحيا بيكى

**

ازاى هاتمشى وانتى عارفه انى فى بعدك راح اموت

ازاى هاتقسى وسامعه قلبى بيندهك باعلى صوت

لما انتى ناويه تموتينى

تحيينى ليه ؟!

ما كنت ميت مـ الأساس

كنت عايش عمرى موت

لا كنت باندم عـ اللى راح

ولا كنت باتهز بجراح

ولا كنت اخاف عمرى يفوت

كنت راضى بنفسى ميت

طيف غريب...حواليا ناس

كنت اعيش اليوم بيومه

كنت عايش بالمقاس

ليه تبنى جوايا الامل
لما الامل مالهوش اساس !

**

هاتقابلى ناس بعدى هاتعيشى وياهم

ابقى حتى هاتى سيرتى بحاجه جميله جواهم

ابقى احكى عن حكايات مابينا
وكام ذكرى عشناهم
ابقى احكى عنا بكل خير وقولى عمرى ما انساهم

ابقى اسهرى بحكايتى ليكى

اوعى تنسى كلام مابينا كنت اكتبه بايدى واديكى

واسم الدلع ده حاجه منى بس ليكى

ودموع عنيا رساله منى

تبلغك ايه حبى ليكى

عيشى عمر سعيد فى بعدى

واما تفتكرينى صدفة

احضنى طيفى باديكى

وده عهد منى ياحب عمرى

هاعيش حياتى وعمرى ليكى

وان يوم سمعتى عن مماتى

هاموت وقلبى مش ناسيكى.

تابع القراءة ....

*** ذكرى الصرخه ***

بدأت حياتى بصراخ

هل أصرخ من اثر الطعنه؟؟؟!!!

 أبدأت حياتى مقتولا؟؟؟!!!

سحقا

ولدت قتيلا لأمثل دور حياه

وصرخت

لأعلن نقطة ميلاد ووفاه

كتبوا بشهادة ميلادى

أين محل الميلاد ؟

ميدان قتال!!!

لم أعرف وطنا لأحارب من أجله

أسقطنى فرسان بلادى

وما أن مت

سألونى لم لم تحيا ؟!!!

ويلى ....... قد خاطو لسانى

لم أملك حتى لأجيب.....لا أدرى

قذفونى فى النار

أحرقت النار جميع صلواتى

طهرت أخيرا من حسناتى

أخذونى للجنه

وصلبت على باب الفردوس

صلبت فداء للعالم

كى أنقذه من خير قادم

وبعثت لأحيا مقتولا

قتيل أمثل دور حياه

بمشهد عبثى الأدوار

دورى فى المشهد مصباح

يطفئنى الناس بكل صباح

بحياتى لم أعرف ضوء الشمس

 خلقت أنير الظلمات

ولا أملك عيِِنا كى أعرف ماهية الأنوار

واليوم...............

أتسائل لما عادت ذكرى الصرخه ؟

هل جائت لتعيد الأدوار ؟!!!

وأكون بنفس المشهد

مصباح لا يملك أى قرار!!!.

تابع القراءة ....

فى نفس المكان

لما جت عينى فى عنيكى

شوفت ماضى عدى بيكى

كان نصيبى احبك انتى

كان نصيبى تتوه عنيكى

عشت بسال ليه ده كان

عشت افكر فى اللى كان

كان بينا حب

كان بينا حلم

وكان الفراق................ وكان وكان

شوفت جوا عنيكى شوق ولهفة ماتتوصفش

شوفت عمرى وماضى عدى

شوفت حلم ماكتملش

شوفت دمعه من عنيكى

كان املها ماتتهزمش

ولسه واقف فى المكان

كأننا لسه زمان

تنزل دموعى غصب عنى

مش برده ده نفس المكان ؟؟؟!!!

كنا بنتقابل هنا

كنا بنمشى وحدنا

فى عز المطر

كنت اتعتر

مخصوص عشان

حنيتك تملى المكان

وقبل ماتدمع عنيكى

أرمى نفسى مابين اديكى

وانسى نفسى والزمان

وادينى اهو فى  نفس المكان

بينى وبينك خطوتين

محتار اقرب ولا اهرب ولا ارجع بالزامان

*********

ولما جت عينى فى عنيكى

غصب عنى جريت عليكى

سـألت نفسى

هى لسه هاتفتكرنى

طب ماهيا عارفه انى

لسه عايش عمرى ليها

مش بفكر الا فيها

ومهما فرقنا الزمان

مهما كان ظلم اللى كان

نبض قلبى بس ليها

**********

وابتسامه حزينه منك

زودت خوفى عليكى

وفعنيا كلام كتير

لسه فاكرك مش ناسيكى

ولسه هاسأل.......... لسه فاكره ؟؟؟

نزلت دموعى لما اسمى ......بخط رسمى لقيتى لسه فى اديكى

وفى اديكى لقيت ابنك

وقولتيلى ..........( أسمه احمد )

ونبض القلب يتجمد

كأنك لسه بتقولى

ولا فارقتك

ولا نسيتك

ومهما زمانا فرقنا

هاتفضل فينا أشواقنا

يعيش اسمك فى وجدانى

ويكبر حبى قدامى

وأعيش عمرى وأيامى

على أحلام مابينا زمان

رسمناها هنا برده

وعشناها فى نفس المكان

تابع القراءة ....

                

                 فلترجعين حبيبتى............هم كاذبون

 
قالو بأنى ظالم
قد مات قلبى

بدت أقسى لم يعد قلبى حنون
قالو بأنى قد زهدت لقائهم
لم أصن أهلى ولم أرعى البطون

**********
أوتعلمين حبيبتى.......هم صادقون
قد مات قلبى فى يديك
مات قلبى حين ظن بحار الشوق توصله اليك
مات قلبى لا عليك
**********
فلتسمعين حبيبتى.......هم صادقون
مات قلبى حين ظن الحب تفهمه العيون
مات قلبى حين مات فيك الحب والقلب الحنون
حين أدمته الظنون
حين قلتى كيف يجرؤ
ثم ادعيتى بى الجنون
لم يعد قلبى لينبض لم يعد قابى حنون
قد كان لى يوما بقلبى
بعض الحان وبعض اضواء العيون
والان أصبح فى شجون
ماعاد قلبى ينخلع لبكاء طفل ولا لحن حنون
************
فلتسمعين حبيبتى......هم صادقون
ضاع قلبى فى الطريق المرتعد
ضاع قلبى حين صدق من وعد
ضاع قلبى ولم يعد
**********
فلتسمعين حبيبتى .....هم صادقون
قد بدت أقسى لم يعد قلبى يصون
انى سأرحل عن بلادى
بعد حبى كل شئ قد يهون
كل أحضانى تهون
كل أوطانى تهون
حتى البراءة فى عيونى قد تهون
قد هنت يوما حين هان العاشقون
ان هان قلبى فالكل عندى قد يهون
************
أتصدقين حبيبتى........هم كاذبون
فبرغم هجرك
رغم جرحى
رغم شكك والظنون
شئ بقلبى لم يرتضى يوما الا يراك بالعيون
رغم حزنى وكبريائى
رضى قلبى ان يهون
فى كل يوم كان قلبى يرتحل منى اليك
يرتعد خوفا عليك
احدث قلبى ليقسو عليك
فيعلن قلبى حنينى اليك
اميت حبى بين ضلوعى
ويحيا قلبى شوقا اليك
حدثت قلبى ان ينساك
رمانى قلبى أنى أخون
فلترجعين حبيبتى............هم كاذبون

تابع القراءة ....

عشان خاطرى.........أمانه عليكى سامحينى

بلاش تبكى
انا هابكى
أنا مش ببكى من الفرقه
أنا ببكى عشان أحلامنا عالدنيا مهش فارقه
رسمنا الحلم بايدينا
بنينا الحب بعنينا
وتيجى الدنيا تقتلنا وتهزما
وتهدم كل ما بنينا
وايه الذنب؟؟!!!
((حبينا))
.................
مانيش هاقدر فى يوم افرح
وانا شايفك فى يوم تبكى
وتنزل من عينك دمعه
والناس تقول أكيد فرحه
ويصرخ قلبى ((لأ فرقه))
وتنزل من عينى دمعه
وانا شايفك من الطرحه
بتبكى بحرقه عالماضى
عنيكى بتبكى وتدمع
وبرضه الناس تقول فرحه
ومش قادر أحوش دمعى
وانا شايفك على الكوشه
وجنبك حد كان مفروض أكون هوا
وكان مفروض يكون هوا مع المعازيم
وانا واقف مع المعازيم
وانا شايفه من الفرحه
يشيل عن وشك الطرحه
وتيجى عنيا فى عنيكى
وتبكى وابكى انا ليكى
واشوف اسمى ولسه رسمه فى اديكى
وينزف قلبى من عينى
ويظهر دمعى فى عنيكى
وجنبى الناس بتستغرب
عشان دمعى بقى صرخه
وامسح دمعتى بايدى
وادارى واقول من الفرحه
          
    ********
عارفه انى بعدك مش هاعيش
بس عيشى واحلمى
واوعى تنسى فى يوم سنينى
وان مره حسيتى بحنينى
ابقى حسى نبض قلبك هاتلاقينى
أصل قلبك هو قلبى صدقينى
ومهما نتفارق سنين
مهما يقتلنا الحنين
مش هاتكسرنا السنين
مش هاننسى صدقينى
ومش هانسى اللى كان بينا
ولو بينا بحور وبلاد
هاعيش وانا لسه بتمنى
من جديد حبنا يتعاد
ويفضل شوقى وحنينى
ونور حبك فى تكوينى
ويصرخ قلبى من الفرقه بعلو الصوت
وحشتينى
امانه عليكى لو زرتك
في يوم فى الحلم ضمينى
عشان خاطرى تسامحينى
مانيش قادر أكون ليكى
ومش هاقدر أشوف غيرك
ولا هاعرف فى يوم انسى
ولا انت قادره تنسينى
بس قدرنا يفرقو بينك وبينى
عشان خاطرى تسامحينى
عشان سبتك تحبينى
وحبك يبقى تكوينى
وادى الوعد اللى كان بينا
قيود من نار بتكوينى
ومتكتف وحلمنا بيندبح
بينك وبينى
ولاهاعرف فى يوم أقسى
ولا هاقدر فى يوم انسى
هاموت وقلبى انا لسه
بينبض حبى وحنينى
...
انا هابعد
عشان تنسى
خلاص هامشى
بلاش تبكى
عشان خاطرى
أمانه عليكى سامحينى
......................

                                                        أحمد اليمنى

تابع القراءة ....

كنت
أسير وحدى فى أحد الطرق الفرعيه المظلمه، واذا بسيارة كالشبح تسير طائرة دون عجلات، تقف بجانبى، ينزل منها أربعة كائنات يشبهوننى تماما
, وكأنى كل واحد منهم، كأن كل واحد منهم نفسى , وهم فى صمتهم المفزع كالمسخ أو كأحد الكائنات الشريره التى فى الأساطير.
أضجعونى
, وأخذو نخاعى, وبعضا من ضلوعى, وأعطوها لأنسان الغاب, ثم تركونى ملقى على الطريق.أخذت أراجع ما حدث، تسائلت، أأكلتنى نفسى؟؟؟!!!.تذكرت لتوى أنى قتلت، أحقا قتلت؟ لا أعرف. أخذت أهرول دون أن أدرى ماحدث، ولا أدرى: أين أذهب ؟لا أدرى سوى أنى مقتول.
كانت
دمائى تنزف بشده وتشكل أشكالا غريبه على الطريق وكأنها تكتب شفرات ورسائل لا أفهمها ولاأعرف مغزاها ،لم ألق لها بالا، وأخذت أهرول
,الشوارع خاليه، البيوت تشبه كهوف القدماء، أرى انسان الغاب فى كل مكان، وجثث الأطفال ملقاه فى كل مكان بعد أن امتص دمائهم انسان الغاب حتى الارتواء.تمطر السماء، عنيفة الرياح هذه الليله ،لا أعرف ماذا كنت تمطر السماء ولكنها كانت تمطر على كل حال.
أرى
أطفال ينظرون الى من خلف نوافذ زجاجيه أخذت لون الدماء السوداء ، ينظرون الى بنظرات من الهلع وهم قتلى تماما لايدركون ما يحدث ، أمهم لتوها ألقت رضيعها لأحــد أناس الغاب ، لا أدرى لعلها أرادته أن يشبع ويــــــــــــرحل ، لكنه لا يشـــــبع ولا يرحل
.
أجرى
سريعا ، أقاوم فزعى ،أتظاهر بالاخوف ، المجهول يطاردنى، والواقع يتحدانى ، عقلى يصارعنى ، والحاضر يجتاحنى ، أعيش ولا أفهم كيف أعيش دون نخاع أو أحشاء ، بل كيف أعيش دون دماء ، كيف أعيش بجرح مفتوح ينزف خوفا
.
أهرول
واقفا ، يتوقفنى أحدهم ، أنيابه يخالطها دم أسود ، تماما كأفكار تجول بخاطرى فى هذه اللحظه ، يزداد فزعى ، ينظر الى بشراهة ثعبان ، يقرأ فى صمتى سؤال ، ويعرف من عينى رجاء، كى يقتلنى ، أويتركنى أعيش خارج هذه اللحظة البرذخيه الدنسه، يظهر أحدهم من بعيد ، يملأنى الأمل ، انى أعرفه ، نعم
: أعرفه تماما ، انه أبى ، يخرج من بين ضباب قاتم ، يتوجه نحوى وبيده سيف ، كنت قد أهديته له ، استبشر هاهو أبى قد أتى لينقذنى من انسان الغاب ، يقترب أبى ويرفع سيفه يغمده فى صدرى ، ويأخذ قلبى يمضغه بضمير نادر ، ويبتلع أحشائى بنهم أسود كسواد الليل ويخرج أصوات كرعود البرق الحارق ثم يأتى أخوتى ليتناولو مابقى من لحمى وعظمى يبتلعونى ويمتصو دمائى ، أتوجع فى صمت أخفى عنهم ألمى ، كى يأكلو سعداء ، أصرخ آه فى صدرى لا يسمعها سواى وشبح ذكرياتى.
تعيسه
هى أيامى ليس كهذا اليوم ، لم يبقى منى غير رفات ومازالو يلتهموننى فى اصرار عجيب ، أرى فى أعينهم نظرة تشف واضح يتجاهلون رجائى وتوسلاتى ، وحين بكيت ارتشفو دمعى ، فقد عطشوا حتما بعد وليمة دسمه من أحشائى ، ذهبوا الآن وتركونى وحيدا بعد أن ابتلعونى وتركوا آثارى على الطريق كى يتشممها انسان الغاب
: هنا فقد أصرخ فيسمعنى الجميع وتتحرك السحب وتتكشف السماء ولكن يصبح لونها أكثر سوادا.
أستيقظ من نومى فزعا ، أقوم مهرولا أتوضأ وأصلى لربى أنى كنت أعيش الحلم ؛؛ومازلت أخدع نفسى؛؛أسمع هاتفا ينادينى ويواجهنى بحقيقة بشعه أيها الأحمق
:::
مازلت لا تعى حياتك
:::
(
ما الحلم الا حقيقة وترجمة لواقع مكبوت داخلنا)

تابع القراءة ....